Адзіны дзень скідак

Па ўсёй Беларусі ў нядзелю 29 лістапада ў рознічнай гандлёвай сетцы пройдзе акцыя “Адзіны дзень скідак”. За кошт узгодненага зніжэння цэн арганізацыямі-вытворцамі і гандлёвых надбавак гандлёвымі арганізацыямі пакупнікі атрымаюць скідкі на нехарчовыя тавары не менш чым 15 працэнтаў ад рознічнай цаны.

На Ганцаўшчыне ў гэты дзень ёсць цудоўная магчымасць зрабіць пакупкі і пры гэтым зэканоміць у такіх магазінах раённай спажыўкааперацыі, як “Дзіцячы свет”, “Стыль”, “Сілуэт” і “Элегант”, дзе на ўвесь асартымент тавараў коштам звыш 200 тысяч рублёў будзе прадастаўляцца скідка 15 працэнтаў ад рознічнай цаны.

Такая ж скідка на ўвесь асартымент тавараў, уключаючы ювелірныя вырабы, коштам звыш 100 тысяч рублёў будзе прадастаўлена і пакупнікам у магазіне “Падарункі”.

Акрамя гэтага ў магазіне “Мерыдыян” прадугледжваецца 15-працэнтнае зніжэнне рознічных цэн на ўсе друкаваныя выданні.

Таксама па зніжаных на 15 працэнтаў цэнах можна будзе набыць тавар коштам звыш 500 тысяч рублёў у магазіне “Гаспадынька”.

Прыемных пакупак!